ريفيو صادق عن الكورس ....انا سيو وخدت مع حد من سنتين باكثر من ضعف مبلغ الكورس الي انت حاطه وهيا حد مفروض انه تقيل في مجالنا ومشهورة وكنت بعتبرها قدوه يدوب ادتنا قشور في المنصه فرجتنا في جزء من سيشن عليه وده الي بيظهر الداتا وقالت لنا ع اداة السيو الخاصة بالمنصة فقط...

وانا حد بتابع الاجانب اكثر ربنا يعلم مافيش محتوى عربي كتير ومش مشتركه غير نادرا واكثر مشاهير اليوتيوب لاني بقارن بينهم وبين المحتوى الأجنبي بصراحة بشوف انه مافيش مصداقيه وأمانه وده حاجه تضايق كمسلمين جدا لأن احنا الاولى بالصدق والأمانة ونشر العلم وافادة بعضنا ...

اي حد كان بيسئلني او اشوف سؤاله في اي مكان بنصحه طالما بيعرف يفهم انجليزي مايخدش مع عرب ....لحد مالاقيت صدفه فيديو ليك عن الفري لانسر وقولت على كورس الفري لانسر ودخلت اخده وعاجبني وواقسم بالله اني مبهورة ان شوفت حد "أمين" اخيرا في نقل العلم مش يلا اعلمك تكسب ١٠٠ دولار في اليوم والكلام الفارغ بتاع المشاهدات الي كله كذب وتضليل وبسبب انك قدمت محتوى زي مجاني ...

انا خدت كورس برغم اني عملت قناه وعندي فكره عن سيو القنوات وشغل عليها ....

والله العظيم تاني برغم ان كورسك سعره اقل مقارنة بالمحتوى بتشرح كل حاجه ع يوتيوب بالخطوات بالتفصيل جزء جزء فيه مشفتش حد بيشرح كدا ربنا يبارك فيك حقيقي انا مبسوطة اوي ان الواحد لاقى حد عنده أمانه وضمير في نقل العلم كدا ومتأكدة ان هلاقي حاجات مكنتش اعرفها زي موقع الخاص بالي بيشتغلوا ع يوتيوب عرفته منك. نقطه ثانيه أحب انقلها للناس لان جربت اخد مع عرب وأجانب وسألت على اكثر من كورس ...

المعلومات دلوقتي متاحه للجميع لاي حد عايز يتعلم لكن المشكله انك هتاخد وقت وكمان ده معلومة من غير تطبيق في فرق بين انك عندك معلومه وانك بتعرف تطبقها. النقطه ٣ الي بجد بتغظنيني في الي بيقدم كورس من العرب خلتني اقول مش هاخد مع حد تاني ان بيعلموا الكورس غير مسجل و يدوب ميتنج زوم ونستأذن نسجل المحاضرات بيكون في اعتراض عشان خايف من السرقة....

انا حد حرفيا بشوف الفيديو كذا مره ...مره لوحده ومره يكون معايا ورقه وقلم وممكن احب ارجعله فالموضوع مزعج وغير عملي....

ميزة ثانيه الشخصية الي خدت معاها بطلت ترد حرفيا بعدها ع الاسئله بمجرد انتهاء الكورس في حين ان الي بيميز كورس حاليا عن غيره في عصر "انتشار المعلومات" هو المتابعه فكره كأن في منتور بيشوف وصلت لايه وهو كمان بيستفاد لان بيعرف ازاي يطور كورسه اكثر...

في كورسات اجنبيه بيدي الماتريال الي هو شغال بيها دي انا مش شفتهاش مع حد عربي (إلا من رحم ربي) من الي اخدت كورساتهم او سالتهم ع كورساتهم ، غيرك انت مدي ماتريال تفصيلة ماشاءالله حتى ال presentation في تفاصيل مش مجرد رؤوس عناوين كدا .

حيقيقي بجد انا سعيده اوي والله ان عرفت حضرتك والمحتوى الي بتقدمه وان لاقيت حد مصري وعربي اخيرا عنده "أمانه" القول والفعل وبيتقي الله في العلم الي بينشره انه حقيقي يكون مفيد وواقعي مش ضحك ع العقول سواء محتوى الكورسات او اليوتيوب