ده لينك مباشر لموقع Upwork (أقوي موقع عمل حر فى العالم) .. أنا عامله بحيث أنك لما تدوس عليه يوريك عدد الوظايف المطلوبة فقط ومحتاجة (YouTube Manager), ومنها تقدر تحكم بنفسك علي عدد الوظايف اللي بتنزل يوميا علي الموقع ده لوحده, واللي محتاجة محترفين يشتغلوها.

وبفضل الله أنا من الوظايف دي أشتغلت أكتر من 2000 ساعة علي موقع Upwork, وقدرت أكون رقم واحد في مصر والتالت فى الوطن العربي علي الموقع.

وده اللينك المباشر: (حاليا فى أكتر من ٢٠٠٠ وظيفة مفتوحة علي Upwork طالبة المجال ده.

"أضغط هنا للذهاب لصفحة الوظائف علي موقع Upwork"

أكيد بإذن الله, أنا هبدأ الشرح من الأساسيات تماما. وعشان كده الكورس ده هيبقي مدته طويلة, لأنه هيبدأ من الصفر, وهيبدأ يعلي تدريجيا, لحد ما توصل لمرحلة الأحتراف بإذن الله, ونبقي أنا وأنت مستوانا واحد.

فلو مستواك مبتدئ تماما, فده ليك.
ولو مستواك متوسط فى المجال, فهتستفيد جدا جدا جدا.
وحتي لو مستواك محترف "هتستفيد من التريكات والماتريال اللي هتتوزع"

هنحتاج لاب أو كمبيوتر ضروري معانا عشان نتقن المهارة دي, لأن معظم الحاجات المتقدمة معتمدة عليها.
بس الخبر الجميل أنك مش محتاج إمكانيات عالية, لأن معظم شغلنا معتمد علي التصفّح وتحليل البيانات, بدون وجود برامج تقيلة محتاج إمكانيات. فهيكفينا إمكانيات بسيطة.

بالنسبة للموبايل, فأنت تقدر تتابع من خلاله الشغل, بس هيبقي للمتابعة وحاجات بسيطة بتتعمل بيه, إنما مش الإعتماد التام عليه.

عمري ما هوعدك بده للأسف. لأن دي حاجة فى علم الغيب, وتوفيق ربنا قبل كل شيئ, وأخذك أنت بالأسباب. فلو وعدتك هكون بضحك عليك.

بس أقدر أوعدك أنك بعد الكورس هتكون مؤهّل تماما أنك تشتغل بالمهارة دي بإذن الله فى أتقل الأماكن. وهتبقي عارف خباياها, ومعاك ماتريال كتير تخليك من أقوي الناس فى المجال ده.

ده غير أنك لو بتعمل قناة ليك أنت, فأنت هتبقي عارف إزاي تعملها صح من حيث كل حاجة بإذن الله. وتنطلق فيها بجد.

بالإضافة أني عامل قسم كامل بشرح فيه إزاي تلاقي شغل بالمهارة دي, وفيه ماتريال أنا باذل فيها جهد جبار عشان أجيبهالك وأوفرهالك بالمجان, بس مع ذلك مش هقدر أوعدك بده.

كل الأحترام لكل صديق بينشر علمه فى أي منصة, بس فكرة الكورس ده أنه معمول مخصوص عشان يأهلك أزاي تشتغل بالمهارة دي فى سوق العمل الحر, فهو هيبقي مليان تفاصيل كتير أزاي تتميز بيها لما تتعامل مع العملا, وأزاي لما تقدم (علي المهارة دي مخصوص) وقتها تقنع العميل بيك.
وكمان هيبقي شامل علي أيه العميل اللي بيبقي منتظره منك فى الشغل معاه بالمهارة دي.
من الآخر, الكورس ده هو خلاصة شغل أكتر من ٢٠٠٠ ساعة ليا علي الموقع في مجال إدارة قنوات اليوتيوب. هحطلك فيهم كل حاجة أتعلمتها في المجال ده من منظور الفريلانس ودي نقطة القوة الحقيقية, أن كل حاجة هنشرحها هنطبّق عليها أزاي نستفيد بيها فى سوق العمل الحر, وكل ماتريال أستخدمتها هتلاقيني بشاركها معاك مجاني فى الكورس, ومش هبخل عليك بأي معلومة نهائي.

خليني أكون صريح معاك, الكورس أنا هنشر فيه كل حاجة أتعلمتها بالتفصيل, ومش هيفرق بيني وبينك غير خبرة التعامل نفسها مع العملا, ودي بإذن الله هتكتسبها مع الوقت.
وكمان هتلاقي فيديوهاتي المجانية تماما علي قناة اليوتيوب اللي بشرح فيها (بالتفصيل الممل وببلاش تماما) كل حاجة فى مجال العمل الحر (كمهارة الفريلانس نفسها).

أكيد طبعا, وهتبقي إستفادة كبيرة جدا بإذن الله. ده غير أن هيبقي فى جزء مخصوص أزاي تقدر تصنع محتوي أفضل (لأن ده جزء كبير من شغلي مع العملا أني أساعدهم يبقوا يوتيوبرز أحسن), وكمان غير الماتريال المجانية اللي هنشرها معاك وهتساعدك جدا بإذن الله فى الطريق ده.

الحقيقة الهدف الأساسي أنك تقدر تشتغل بإذن الله علي مواقع العمل الحر الأقوي, فبالتالي هيبقي معظمهم أجانب, فهنشرح بالمصطلحات الأنجليزية لليوتيوب.
بس متقلقش الشرح كله عربي من الأول للآخر, فقط المصطلحات اللي هنذكر بعضها بالانجليزي, وهيبقي فيه فيديو معمول مخصوص لأهم المصطلحات اللي هنستخدمها, وهعرّفك معناها تماما, وهقولك دي بتفرق معانا فى ايه, ولما نذكرها فأحنا نقصد أيه.

من الآخر ^ ^ الشرح عربي تماما, والمصطلحات الاجنبية هبقي قايلهالك كلها فى البداية.